Noreg attvalt til IMO sitt råd

Valet fann stad under generalforsamlinga til Den Internasjonale Maritime Organisasjonen (IMO) i London i dag. Rådet er det øvste organet under generalforsamlinga i IMO og avgjer IMO sine prioriteringar og arbeid. Her sit land med spesielt store interesser innan skipsfart, blant anna Japan, Hellas, Kina og USA, saman med Noreg. Nærings- og handelsdepartementet leier den norske delegasjonen til IMO si generalforsamling. Noreg deltek aktivt på alle nivå i arbeidet til organisasjonen.

-Det er gledeleg at Noreg er attvalt i IMO sitt råd. Noreg speler ei aktiv rolle i regelverksutviklinga i IMO og trekkjer på kompetansen i heile den norske maritime klyngje i arbeidet. Norske reiarlag og utstyrsleverandørar er verdsleiande innan fleire sektorar, og dette er ein styrke i arbeidet med utvikling av reglar, seier statssekretær Rikke Lind.

Lind deltok på generalforsamlinga og fokuserte i talen sin blant anna på utviklinga i nordområda og det pågåande arbeid i IMO med å utarbeide bindande reglar for segling i polare farvatn. Noreg er oppteke av å få ein polarkode som dekkjer både tryggleik og miljø. Det er viktig for å sikre at design og utstyr er eigna for operasjon i polare farvatn og at miljøomsyn blir adressert på ein skikkeleg måte.

 

Fakta om IMO:

IMO er FN sin sjøfartsorganisasjon og har 170 medlemsland. Her blir det utvikla regelverk med tekniske krav til skip, både på tryggleik og miljø.

IMO utviklar reglar knytte til sjøfolk sine kvalifikasjonar og utdanning, og arbeider også med security.