Sarkozy kjem til Noreg i 2009

Statsminister Jens Stoltenberg har i dag hatt samtalar med Frankrikes president Nicolas Sarkozy. Statsministeren inviterte den franske presidenten til Noreg, og Sarkozy gjorde det klart at han vil koma på besøk i 2009.

President Nicolas Sarkozy tok imot statsminister Jens Stoltenberg
i borggarden på Elyséepalasset i Paris fredag. Foto: Elyséepalasset.

I tillegg stod norsk-fransk energisamarbeid og klimaspørsmål sentralt i samtalane med Sarkozy.

– Frankrike tek over formannskapen i EU 1. juli, og det er viktig for Noreg å halda fram det tette samarbeidet med EU på klimaområdet, seier Stoltenberg etter møtet.

Statsministeren og presidenten drøfta også den vanskelege situasjonen i Burma.

Stoltenberg møtte Sarkozy i Elyséepalasset i Paris. Det er i dag eitt år sidan Sarkozy vart innsett som president i Frankrike.

Statsminister Jens Stoltenberg inviterte Frankrikes president Nicolas Sarkozy til Noreg då dei to møttes i Paris fredag. Foto: Elyséepalasset.