- Vern kan gje god inntekt til distrikts-Noreg

Prosjektet ”naturarven som verdiskaper” har som mål å auke verdien av verneområder og andre naturområder landet rundt.  Miljø - og utviklingsminister Erik Solheim og kommunal- og regionalminister Magnhild Meltveit Kleppa la måndag fram eit nytt program som legg vekt på at verneområder er viktige ressursar i distrikta.  

- Det er viktig at distrikt med verneområder også får moglegheit til å utnytte sine naturområder økonomisk, til lokal næringsutvikling og turisme. Det finst mange moglegheiter til å få inntekter på aktivitetar knyttaat til verneområder og andre viktige naturområder.  Kommunalminister Magnhild Meltveit Kleppa og eg har difor sett av ti millionar kroner til gjennomføringa av programmet for 2009, seier miljø- og utviklingsminister Erik Solheim.

Utviklingspotensialet er stort, difor har Kommunal- og regionaldepartementet også bidratt til verdiskapingsprogrammet. Regjeringen ser på dette som ein viktig moglegheit for distrikts-Norge.

- Dette er eit svar på den klare oppfordringa fra lokale og regionale myndigheiter om at det trengs ein heilskapleg politikk for fjellområdane i Noreg, seier kommunal- og regionalminister Magnhild Meltveit Kleppa.

Programmet skal betre leggje til rette for at folk som vitjar verneområda og andre naturområder kan få gode opplevingar. 

– Vi ønskjer å hjelpa gründere og småbedrifter. Særleg viktige tiltak er god skilting, utvikling av stiar, trerydding ved utsiktsplasser, oppretting av rasteplasser, og sikring av vakre naturtyper som til dømes blomsterenger, seier miljø- og utviklingsminister Erik Solheim.

Programmet blei lansert på eit møte med nasjonalparklandsbyar i Oslo måndag 27. oktober. Nasjonalparkkommunane og landsbyane blei sertifisert av Direktoratet for naturforvaltning tidlegare i år.