Ny fylkesmann i Nordland (vikariat)

Kongen i Statsråd  har i dag konstituert assisterande fylkesmann Ola Bjerkaas i vikariatet som fylkesmann i Nordland. Konstitueringa gjeld frå 1. januar 2008 og fram til og med 31. oktober 2009.

Ola Bjerkaas er 54 år, han er cand agric (naturforvaltningskandidat) frå Noregs landbrukshøgskule og har delteke på sjefskurset til Forsvarets høgskule. Ola Bjerkaas har vel tre års røynsle som konsulent i Nordland fylkeskommune før han i 1982 vart tilsett som fylkesmiljøvernsjef hos Fylkesmannen i Nordland. Frå 1998 har han vore assisterande fylkesmann same stad. For tida er han fungerande fylkesmann i Nordland.