Meir til arkivformål

Kulturdepartementet gjer framlegg om 359,5 millionar kroner til arkivformål. Driftsløyvinga til Arkivverket aukar med 24 millionar til 316 millionar kroner. Tilskotet til Arbeiderbevegelsens arkiv og bibliotek aukar med 500 000 kroner til 7,3 millionar kroner.

Halvparten av auken i driftsløyvinga til Arkivverket skal gå til drift av nye og ombygde lokale for Statsarkivet i Bergen. Budsjettauken gir elles rom for styrkt tilsyn med arkiva i kommunal sektor og opptrapping av digitaliseringsverksemda.