1,1 milliardar kroner meir i frie inntekter til Møre og Romsdal neste år

Veksten er fordelt med om lag 5,1 milliardar kroner til kommunane og 1,3 milliardar kroner til fylkeskommunane.

Den foreslåtte veksten er høgare enn varsla i kommuneproposisjonen. Det kjem av at anslaget for meirkostnader til pensjon no er høgare. Regjeringa varsla i kommuneproposisjonen at veksten kunne ende opp utanfor det varsla intervallet dersom meirkostnader til demografi og pensjon vart annleis. Regjeringa har dermed heldt sin lovnad.

– For å lykkast med dei krevjande og viktige oppgåvene kommunane skal løyse for å gi folk ein betre kvardag, gir vi kommunane ein god og føreseieleg økonomi. Veksten sikrar at sektoren får dekt auka kostnader til demografi og pensjon, i tillegg til å gi noko auka handlingsrom til utbygging av tenestetilbodet, seier kommunal- og distriktsminister Sigbjørn Gjelsvik.

Fordeling av frie inntekter

Tabellen nedanfor viser fordelinga av dei frie inntektene for kommunane i Møre og Romsdal fylke og den nominelle veksten frå 2023 til 2024. Veksten er rekna frå eit oppdatert anslag på dei frie inntektene i 2023. Det inneber at oppjusteringa av skatteanslaget knytt til inntekt og formue på 4,1 milliardar kroner er medrekna.

For å gjere inntektsnivået i 2023 samanliknbart med inntektsnivået i 2024, er det korrigert for oppgåveendringar, regelendringar og endringar i finansieringa av oppgåvene til kommunesektoren.

Variasjonen i veksten mellom kommunar og mellom fylkeskommunar kan i all hovudsak forklarast med utvikling og endring i befolkninga og endringar i skjønnstilskotet og dei regionalpolitiske tilskota. For små kommunar kan mindre endringar gi store utslag i anslaget på vekst målt i prosent.

Tabell – Anslag på frie inntekter i 2024 og nominell vekst frå 2023 til 2024

	Anslag på frie inntekter 2024 (1000 kr)	Vekst frå anslag på rekneskap 2023 - 2024
Kommune		Nominelle kroner (1000 kr)	Prosent
	1	2	3
1505 Kristiansund	1 645 218	60 720	3,8
1506 Molde	2 326 161	114 355	5,2
1508 Ålesund*	3 968 677	166 219	4,4
1511 Vanylven	255 161	14 547	6,0
1514 Sande	203 142	11 154	5,8
1515 Herøy	627 677	30 624	5,1
1516 Ulstein	631 714	40 028	6,8
1517 Hareid	382 387	15 623	4,3
1520 Ørsta	789 229	36 241	4,8
1525 Stranda	333 376	14 146	4,4
1528 Sykkylven	519 560	23 043	4,6
1531 Sula	697 387	30 998	4,7
1532 Giske	614 998	22 977	3,9
1535 Vestnes	506 545	19 832	4,1
1539 Rauma	540 864	26 648	5,2
1547 Aukra	281 066	13 790	5,2
1554 Averøy	415 564	17 892	4,5
1557 Gjemnes	210 369	8 935	4,4
1560 Tingvoll	253 722	13 254	5,5
1563 Sunndal	551 909	31 561	6,1
1566 Surnadal	451 774	26 694	6,3
1573 Smøla	191 716	12 711	7,1
1576 Aure	299 149	7 647	2,6
1577 Volda	810 711	47 387	6,2
1578 Fjord	240 101	9 793	4,3
1579 Hustadvika	987 585	40 533	4,3
1580 Haram*	661 267	44 476	7,2
Til fordeling gjennom året	21 886
Møre og Romsdal	19 418 913	908 147	4,9
Møre og Romsdal fylkeskommune	6 028 955	192 942	3,3
*Ålesund kommune blir delt 1.1.24. Anslaget på veksten for nye Haram og nye Ålesund er basert på beste anslag. For å rekne anslag på vekst er rammetilskot for 2023 fordelt etter del innbyggjarar som inngår i dei nye kommunane. Det er brukt innbyggjartal per 1.1.2023.

 

Første kolonne:
Viser overslag på kor mykje kvar kommune og fylkeskommune får i frie inntekter i 2024, målt i 1 000 kroner.

Andre kolonne:
Viser overslag på vekst frå anslag på rekneskap for 2023 til anslag for 2024 i statsbudsjettet, målt i nominelle kroner. Veksten er korrigert for endringar i oppgåvene til kommunane og fylkeskommunane.

Tredje kolonne:
Viser den nominelle oppgåvekorrigerte veksten målt i prosent.