20 millionar kroner til handball-VM og Ski-VM i 2025

– Store internasjonale meisterskap skapar opplevingar, samhald og felles minne. For regjeringa er det viktig å leggje til rette for at Noreg kan vere vertskap for store internasjonale idrettsarrangement. Dette kjem til å bli to heilt fantastiske arrangement der vi får syna fram landet vårt frå si beste side, seier kultur- og likestillingsminister Lubna Jaffery.

I nysalderinga av budsjettet for 2024 har foreslår regjeringa å løyve 10 millionar kroner til verdsmeisterskapen i handball for herrar i 2025 og 10 millionar kroner til Ski-VM i Trondheim i 2025.

Verdsmeisterskapen i handball for herrar går av stabelen 14. januar til 2. februar 2025. Meisterskapen vert arrangert i samarbeid mellom dei norske, kroatiske og danske handballforbunda. Finalen skal spelast på Unity Arena på Fornebu med plass til femten tusen tilskodarar på tribunen.

– For ein fantastisk start vi får på 2025! Eg gler meg allereie til handballfesten på Fornebu før eg skal opp til Trondheim for å oppleve folkefesten i Granåsen. Dette er meisterskap som bidrar til å synleggjere idretten for eit større publikum, noko som kan skape økt rekruttering og gi positive ringverknader for næringslivet, seier kultur- og likestillingsministeren.

Ski-VM 2025 vert arrangert i Trondheim i Granåsen frå 26. februar til 9. mars 2025. Dette er fyrste gong sidan 1997 at byen arrangerer verdsmeisterskapen på ski nordiske greiner, som inkluderer langrenn, hopprenn og kombinert. Under Ski-VM vil om lag 2500 jobbe frivillig for å gjere meisterskapen mogleg.  

Tilbakemeldingsskjema

Fant du det du lette etter?

Tusen takk for ditt svar!

Det er ikke deg, det er oss.

Det oppsto en uventet feil med serveren. Prøv igjen senere.