21 nye millionar kroner i bustadtilskot til distrikta

Pressemelding | Dato: 02.07.2024 | Kommunal- og distriktsdepartementet

– Tilskota til distrikta skal sikre fleire nye bustader, seier kommunal- og distriktsministar Erling Sande (Sp).

Tilskot til bustadtiltak i distrikta

Mange distriktskommunar har små bustadmarknader med låg omsetjing av bustader og lite nybygging. Tilskotet skal gå til utvikling av nye samarbeidsformer og forsøk med nye bustadkonsept og verkemiddel som bidreg til auka tilgang på eigna bustader i distriktskommunar.

Husbanken skriv at dei har fått 57 søknader. Av desse har Husbanken og Distriktssenteret valt ut 25 prosjekt som får støtte.

–Husbanken sitt tilskot til bustadtiltak i distrikta fremjar prosjekt som skal auke busetting og tilflytting. Det er eit viktig mål for Senterpartiet og Arbeidarpartiet å sikre folk gode bustadar i heile Noreg. Dette er eit viktig bidrag i det arbeidet, seier Sande.

Døme på prosjekt som har fått tilskot er mellom anna eit prøvebu-prosjekt i Sjåk, eit berekraftig bustadutviklingsprosjekt i Evenes kommune. To ulike pilotar for bygdevekst i Finnmark har fått tilskot til sine prosjekt: Hammerfest kommune har fått tilskot til eit felles saksbehandlingskontor for startlån for bygdevekstpilotane i Finnmark, og Berlevåg kommune til utvikling av strategisk bustadplan for Berlevåg, Båtsfjord, Nesseby og Tana.

Tilskot til bustadsosiale tiltak

Husbanken deler òg ut 14, 7 millionar kroner i tilskot til bustadsosiale tiltalt. Tilskota skal gå til utvikling av nye metodar, konsept og løysingar for bustadsosialt arbeid i heile landet. Tilskota blir delte ut til frivillige og private aktørar, forskings- og utdanningsinstitusjonar og kommunar.

Husbanken har teke imot 72 søknader om bustadsosialt tilskot. Av desse har Husbanken valt ut 31 prosjekt som får tilskot. Husbanken har prioritert prosjekt med stor overføringsverdi til andre satsingar.

Døme på prosjekt er Askøy kommune som skal auke bruken av startlån til tilpassing av bustad for eldre, Valdres næringshage som skal ha eit pilotprosjekt om energirapport for bustader, «Bo – og blilyst» i Balsfjord og Storfjord, samt Indre Østfold sitt prosjekt om val av tilbod og overgang til varig bustad for ungdommar i ettervern.

– Samla er det mange spanande prosjekt som får tilskot. Eg har stor tru på at slike prosjekt kan gi positive ringverknader, seier kommunal- og distriktsministeren.

Oversikt over prosjekt som får tilskot til bustadtilskot i distrikta

Søker	Tittel på prosjektet	Beløp
Andøy kommune	Andøy Boligbyggelag	650 000
Berlevåg kommune	Bygdevekstpilot Vestre Varanger – Utvikling av strategisk bustadplan for Berlevåg, Båtsfjord, Nesseby og Tana	700 000
Dovre kommune	Mikrobruk	750 000
Drangedal kommune	Aldersvennleg lokalsamfunn – Drangedal	1 200 000
Evenes kommune	Berekraftig bustadutvikling i Evenes kommune	1 330 000
Fjord kommune	Utviklingsprosjekt – Skape bulyst gjennom attraktive bustader	1 500 000
Folldal kommune	Forprosjekt/Fase 2 – gjenbruk av gamle institusjonsbygg – Verket skole, Folldal og Bergseth alders og sjukeheim, Rendalen	1 930 000
Fyresdal kommune	Århusjordet	950 000
Gjemnes kommune	Bustaddraumen Gjemnes	420 000
Hammerfest kommune	Felles saksbehandlingskontor for startlån for bygdevekstpilotane i Finnmark	600 000
Høylandet kommune	Lage rettleiar	750 000
Meråker kommune	Bustadutvikling i Meråker sentrum (Meråkertunet)	350 000
Overhalla kommune	Leigebustader ved Skage frivilligsentral	700 000
Rauma kommune	Moglegheitstudie – framtidig bruk av prestegardsbustaden på Åndalsnes	330 000
Rennebu kommune	Arena Rennebu	560 000
Røst kommune og Værøy kommune	Ein bustadmarknad i bevegelse?	1 900 000
Røyrvik kommune	Saman blir vi gode på bustad	700 000
Sjåk kommune	Bustad- og tilflyttarprosjektet «Sats på Skjåk " – FASE 2	1 000 000
Sør-Aurdal kommune	Fjellvik – forprosjekt	950 000
Tokke kommune	Frå prøvebu til integrert innbyggar	600 000
Træna kommune	Bo i Træna	800 000
Tydal kommune	Bustad for alle	1 200 000
Vågå kommune	Småhus i Kjøpangervegen 3	80 000
Øystre Slidre	Transformasjon og vidare bruk av institusjonslokala til Øystre Slidre sjukeheim – Ein moglegheitsstudie for å bidra til auka bustader i distriktskommunar	500 000
Ål kommune	Regionalt bu-pilotkontor i Hallingdal	550 000

Oversikt over prosjekt som får tilskot til bustadsosiale tiltak

Søker	Prosjekttittel	Beløp
Askøy kommune	Føre var – Prosjekt for å betre informasjon om, og auke bruk av, startlån til tilpassing av eksisterande bustader til eldre i Askøy kommune	670 000
Balsfjord næringsutvikling	Bo- og blilyst i Balsfjord og Storfjord	500 000
Bodø kommune	Ny by Bodø – Ein bydel for alle	600 000
Flekkefjord	Bupilot-kontor og utvikling av kurs for byggenæring og handverkarar	670 000
Flekkefjord	Frå leigetakar til eigar – eit inkluderings-, normaliserings- og kunnskapsprosjekt	360 000
Halden kommune	Trygt i hamn	320 000
Halden kommune	Ein bustad for alle	275000
Helseinn	Mobil visningsheim – Mobil læringsarena for tryggleiks- og meistringsteknologi	494 000
Inderøy kommune	Bustadsosialt utviklingsprosjekt fase 1	200 000
Indre Østfold kommune	Val av tilbod og overgang til varig bustad for ungdommar i ettervern – Sjølvstendig ung vaksen	650 000
Indre Østfold kommune	Kartlegging av auka kunnskap om leigemarknaden i Mysen sentrum	250 000
KBL	KBL – utvikle og spreie kunnskap og god praksis innan bustadpolitikk og bustadsosialt arbeid og vidareføre dette til kommunane i landet	250 000
Kongen sitt senter/ Boligsiftelsen eldres heim	Nye Kongens Senter – framtidas aktivitets- og bustadsenter for eldre og funksjonshemma i Kristiansand	500 000
Leigebuarforeininga	Samtalar om bustadpolitikk	300 000
NBBL	Nettverk bustadkjøpsmodellar	150 000
Norce	Nye buformer i eit generasjonsperspektiv	450 000
NTNU Samfunns-forsking	Why/Not in my backyard: Utprøving av verktøy for dialog i to kommunar	800 000
Ny bustadplan	Ny bustadplan #3	150 000
Oslo	Bumiljømodell i modulbygg	500 000
Oslo Met	Bustadkjøpsmodellane – tiltak i den heilskaplege bustadpolitikken i kommunane?	950 000
SAFO	Funksjonshemma sitt sjølvstende i eigen heim	160 000
Sarpsborg	Bustadkoordinator – Bustadkontora i framtida	1 100 000
Skaun kommune	Kompetanseutvikling sårbare overgangar (Redusere sårbare overgangar til ungdom med nedsett funksjonsevne	500 000
Steinkjer kommune	Stodtunet	400 000
Stiftelsen CRUX	Prosjekt Mellom-rom	521 000
Stiftelsen Kirkens Bymisjon Vestfold	Tønsberg – Ung i Bolig (gode heilskaplege bustadløysingar for unge 18–25 år) Fase 2 Iverksetting	700 000
Tøyen Boligbyggelag	Prosjektmoglegheiter for ideell sektor som utviklar og tilbydar av bustader	260 000
Tøyen Boligbyggelag	Bok om ein ideell tredje bustadsektor	140 000
UIT – master i landskapsarkitektur	Aldersvennlege lokalsamfunn – i eit vinterklima	400 000
Valdres Næringshage	Folkets Kraftløft	880 000
Ørsta kommune	Fleksibelt budstadkonsept til flyktningar	600 000

Hos Distriktssenteret kan du lese meir om kvart enkelt prosjekt

Her kan du lese Husbanken si nyheitsmelding om bustadtilskot i distrikta

Her kan du lese Husbanken si ny heitsmelding om tilskot til bustadsosiale tiltak.