2,27 milliardar kroner meir i frie inntekter til Innlandet neste år

Veksten er fordelt med 5,15 milliardar kroner til kommunane og 1,65 milliardar kroner til fylkeskommunane.

− Den økonomiske situasjonen er krevjande i mange kommunar no. Det tek vi på alvor. Som varsla i kommuneproposisjonen, får kommunane et løft i dei frie inntektene. Samstundes tek regjeringa på alvor utviklinga i kommuneøkonomien i 2024 og vil komme tilbake til dette i forbindelse med nysalderinga, seier kommunal- og distriktsminister Erling Sande.

Til saman får kommunesektoren eit berekna handlingsrom utover meirkostnader til demografi og pensjon på 3,6 milliardar kroner, noko som er 1,1 milliardar kroner høgare enn lagt til grunn i kommuneproposisjonen.

Anslaget for meirkostnader til pensjon inneheld ikkje effekten av ny offentleg AFP som blir innført frå 1. januar 2025. Departementet har i rundskriv om berekningsføresetnader for pen­sjonskostnadene for rekneskapsåret 2025 av 10. september 2024 fastsett at ny offentleg AFP inntil vidare ikkje skal inkluderast i kommunesektoren sine pensjonskostnader for 2025.

Regjeringa vil i revidert nasjonalbudsjett for 2025 kome tilbake med oppdatert anslag for meirkostnadene til pensjon inkludert effekten av ny offentleg AFP, og sikre at kommunesektoren kan innarbeide ny offentleg AFP i sine pensjonskostnader i 2025.

Fordeling av frie inntekter

Tabellen nedanfor viser fordelinga av dei frie inntektene for kommunane i Innlandet fylke og den nominelle veksten frå 2024 til 2025. Veksten er rekna frå eit oppdatert anslag på dei frie inntektene i 2024. 

For å gjere inntektsnivået i 2024 samanliknbart med inntektsnivået i 2025, er det korrigert for oppgåveendringar, regelendringar og endringar i finansieringa av oppgåvene til kommunesektoren. 

Variasjonen i veksten mellom kommunar og mellom fylkeskommunar kan i all hovudsak forklarast med utvikling og endring i befolkninga og endringar i skjønstilskotet og dei regionalpolitiske tilskota. For små kommunar kan mindre endringar gje store utslag i anslaget på vekst målt i prosent. 

Veksten til kommunane må òg sjåast i samanheng med endringane i inntektssystemet som vart varsla i kommuneproposisjonen, med mellom anna ein oppdatert kostnadsnøkkel og endringar i dei regionalpolitiske tilskota. I anslaget på inntektsnivået i 2025 er det teke omsyn til endringane i skatteelementa i inntektssystemet som trer i kraft neste år.

Tabell – Anslag på frie inntekter i 2025 og nominell vekst frå 2024 til 2025

	Anslag på	Vekst frå anslag
	frie	på rekneskap 2024 - 2025
Kommune	inntekter	Nominelle	Prosent
	2025	kroner
	(1000 kr)	(1000 kr)
	1	2	3
3401 Kongsvinger	1 386 618	77 681	5,9
3403 Hamar	2 385 560	149 021	6,7
3405 Lillehammer	2 083 491	117 478	6,0
3407 Gjøvik	2 221 279	138 245	6,6
3411 Ringsaker	2 563 137	150 242	6,2
3412 Løten	593 934	46 430	8,5
3413 Stange	1 594 497	98 515	6,6
3414 Nord-Odal	395 150	23 821	6,4
3415 Sør-Odal	594 768	36 925	6,6
3416 Eidskog	494 840	34 038	7,4
3417 Grue	373 520	24 688	7,1
3418 Åsnes	586 012	34 332	6,2
3419 Våler	305 438	23 993	8,5
3420 Elverum	1 601 015	106 214	7,1
3421 Trysil	531 491	28 154	5,6
3422 Åmot	343 403	13 745	4,2
3423 Stor-Elvdal	208 680	7 676	3,8
3424 Rendalen	177 063	14 069	8,6
3425 Engerdal	138 926	7 546	5,7
3426 Tolga	154 510	9 714	6,7
3427 Tynset	469 604	23 736	5,3
3428 Alvdal	228 350	14 634	6,8
3429 Folldal	147 082	7 709	5,5
3430 Os	176 204	12 224	7,5
3431 Dovre	229 821	17 158	8,1
3432 Lesja	186 444	8 449	4,7
3433 Skjåk	188 122	9 241	5,2
3434 Lom	193 746	12 192	6,7
3435 Vågå	301 254	16 395	5,8
3436 Nord-Fron	474 734	34 470	7,8
3437 Sel	488 385	32 563	7,1
3438 Sør-Fron	261 630	21 130	8,8
3439 Ringebu	361 242	22 952	6,8
3440 Øyer	421 516	37 074	9,6
3441 Gausdal	472 499	35 291	8,1
3442 Østre Toten	1 093 049	69 449	6,8
3443 Vestre Toten	995 224	67 256	7,2
3446 Gran	1 017 183	59 358	6,2
3447 Søndre Land	441 644	24 482	5,9
3448 Nordre Land	529 467	34 465	7,0
3449 Sør-Aurdal	265 905	11 765	4,6
3450 Etnedal	137 010	10 377	8,2
3451 Nord-Aurdal	510 584	31 234	6,5
3452 Vestre Slidre	184 596	13 668	8,0
3453 Øystre Slidre	275 313	15 183	5,8
3454 Vang	157 129	6 952	4,6
Til fordeling gjennom året	33 700	-150
Innlandet	28 974 770	1 791 784	6,6
Innlandet fylkeskommune	6 668 239	474 196	7,7

Første kolonne:
Viser overslag på kor mykje kvar kommune og fylkeskommune får i frie inntekter i 2025, målt i 1 000 kroner.

Andre kolonne:
Viser overslag på vekst frå anslag på rekneskap for 2024 til anslag for 2025 i statsbudsjettet, målt i nominelle kroner. Veksten er korrigert for endringar i oppgåvene til kommunane.

Tredje kolonne:
Viser den nominelle oppgåvekorrigerte veksten målt i prosent.