2,65 milliardar kroner meir i frie inntekter til Trøndelag neste år

Veksten er fordelt med 5,15 milliardar kroner til kommunane og 1,65 milliardar kroner til fylkeskommunane.

− Den økonomiske situasjonen er krevjande i mange kommunar no. Det tek vi på alvor. Som varsla i kommuneproposisjonen, får kommunane et løft i dei frie inntektene. Samstundes tek regjeringa på alvor utviklinga i kommuneøkonomien i 2024 og vil komme tilbake til dette i forbindelse med nysalderinga, seier kommunal- og distriktsminister Erling Sande.

Til saman får kommunesektoren eit berekna handlingsrom utover meirkostnader til demografi og pensjon på 3,6 milliardar kroner, noko som er 1,1 milliardar kroner høgare enn lagt til grunn i kommuneproposisjonen.

Anslaget for meirkostnader til pensjon inneheld ikkje effekten av ny offentleg AFP som blir innført frå 1. januar 2025. Departementet har i rundskriv om berekningsføresetnader for pen­sjonskostnadene for rekneskapsåret 2025 av 10. september 2024 fastsett at ny offentleg AFP inntil vidare ikkje skal inkluderast i kommunesektoren sine pensjonskostnader for 2025.

Regjeringa vil i revidert nasjonalbudsjett for 2025 kome tilbake med oppdatert anslag for meirkostnadene til pensjon inkludert effekten av ny offentleg AFP, og sikre at kommunesektoren kan innarbeide ny offentleg AFP i sine pensjonskostnader i 2025.

Fordeling av frie inntekter

Tabellen nedanfor viser fordelinga av dei frie inntektene for kommunane i Trøndelag fylke og den nominelle veksten frå 2024 til 2025. Veksten er rekna frå eit oppdatert anslag på dei frie inntektene i 2024. 

For å gjere inntektsnivået i 2024 samanliknbart med inntektsnivået i 2025, er det korrigert for oppgåveendringar, regelendringar og endringar i finansieringa av oppgåvene til kommunesektoren. 

Variasjonen i veksten mellom kommunar og mellom fylkeskommunar kan i all hovudsak forklarast med utvikling og endring i befolkninga og endringar i skjønstilskotet og dei regionalpolitiske tilskota. For små kommunar kan mindre endringar gje store utslag i anslaget på vekst målt i prosent. 

Veksten til kommunane må òg sjåast i samanheng med endringane i inntektssystemet som vart varsla i kommuneproposisjonen, med mellom anna ein oppdatert kostnadsnøkkel og endringar i dei regionalpolitiske tilskota. I anslaget på inntektsnivået i 2025 er det teke omsyn til endringane i skatteelementa i inntektssystemet som trer i kraft neste år.

Tabell – Anslag på frie inntekter i 2025 og nominell vekst frå 2024 til 2025

	Anslag på	Vekst frå anslag
	frie	på rekneskap 2024 - 2025
Kommune	inntekter	Nominelle	Prosent
	2025	kroner
	(1000 kr)	(1000 kr)
	1	2	3
5001 Trondheim	14 527 678	852 669	6,2
5006 Steinkjer	1 885 977	104 903	5,9
5007 Namsos	1 240 003	58 697	5,0
5014 Frøya	574 269	11 841	2,1
5020 Osen	102 345	5 917	6,1
5021 Oppdal	579 689	39 385	7,3
5022 Rennebu	216 995	17 311	8,7
5025 Røros	451 132	30 737	7,3
5026 Holtålen	178 851	10 363	6,2
5027 Midtre Gauldal	519 330	39 937	8,3
5028 Melhus	1 301 708	74 525	6,1
5029 Skaun	639 550	33 251	5,5
5031 Malvik	1 074 326	61 898	6,1
5032 Selbu	344 181	19 049	5,9
5033 Tydal	87 684	4 577	5,5
5034 Meråker	220 217	16 453	8,1
5035 Stjørdal	1 782 896	98 257	5,8
5036 Frosta	228 576	20 741	10,0
5037 Levanger	1 520 801	82 473	5,7
5038 Verdal	1 119 147	61 857	5,9
5041 Snåsa	200 870	13 438	7,2
5042 Lierne	148 342	7 085	5,0
5043 Røyrvik	67 653	5 694	9,2
5044 Namsskogan	108 576	3 882	3,7
5045 Grong	225 278	12 206	5,7
5046 Høylandet	136 203	6 845	5,3
5047 Overhalla	334 472	24 707	8,0
5049 Flatanger	121 094	7 032	6,2
5052 Leka	78 165	5 103	7,0
5053 Inderøy	567 793	33 506	6,3
5054 Indre Fosen	806 224	41 796	5,5
5055 Heim	528 599	29 716	6,0
5056 Hitra	441 177	31 539	7,7
5057 Ørland	846 601	47 262	5,9
5058 Åfjord	398 683	16 076	4,2
5059 Orkland	1 458 525	76 290	5,5
5060 Nærøysund	852 600	27 983	3,4
5061 Rindal	176 697	10 899	6,6
Til fordeling gjennom året	74 050	4 300
Trøndelag	36 166 959	2 050 203	6,0
Trøndelag fylkeskommune	8 890 649	601 786	7,3

Første kolonne:
Viser overslag på kor mykje kvar kommune og fylkeskommune får i frie inntekter i 2025, målt i 1 000 kroner.

Andre kolonne:
Viser overslag på vekst frå anslag på rekneskap for 2024 til anslag for 2025 i statsbudsjettet, målt i nominelle kroner. Veksten er korrigert for endringar i oppgåvene til kommunane.

Tredje kolonne:
Viser den nominelle oppgåvekorrigerte veksten målt i prosent.