6,8 milliarder meir til kommunane neste år

− Den økonomiske situasjonen er krevjande i mange kommunar no. Det tek vi på alvor. Som varsla i kommuneproposisjonen, får kommunane eit løft i dei frie inntektene. Samstundes tek regjeringa på alvor utviklinga i kommuneøkonomien i 2024 og vil komme tilbake til dette i forbindelse med nysalderinga, seier kommunal- og distriktsminister Erling Sande.

Ser ein bort frå meirkostnadane til demografi og pensjon, får kommunesektoren eit handlingsrom på 3,6 milliardar kroner, noko som er 1,1 milliard kroner høgare enn det regjeringa la til grunn i kommuneproposisjonen.

− Kommunane har fått auka kostnadar og renter, samstundes som dei opplever skattesvikt. Da må vi stille opp i fellesskap for å sikre velferdstilbodet rundt om i kommunane, seier Sande.

Veksten på 6,8 milliardar kroner vert fordelt med 5,15 milliardar kroner til kommunane og 1,65 milliardar kroner til fylkeskommunane.

Innanfor veksten til kommunane er 250 millioner kroner grunngjeve med bemanning i barnehagar, 150 millioner er grunngjeve med opptrappingsplan for psykisk helse medan om lag 1,7 milliardar kroner er knytt til omlegginga av inntektssystemet for kommunane.

Innafor veksten til fylkeskommunane er 300 millionar kroner grunngjeve med opprustning og fornying av fylkesvegnettet.

Anslaget for meirkostnader til pensjon inneheld ikkje effekten av ny offentleg AFP som blir innført frå 1. januar 2025. Departementet har i rundskriv om berekningsføresetnader for pensjonskostnadene for rekneskapsåret 2025 av 10. september 2024 fastsett at ny offentleg AFP inntil vidare ikkje skal inkluderast i kommunesektoren sine pensjonskostnader for 2025.

Regjeringa vil i revidert nasjonalbudsjett for 2025 kome tilbake med oppdatert anslag for meirkostnadene til pensjon inkludert effekten av ny offentleg AFP, og sikre at kommunesektoren kan innarbeide ny offentleg AFP i sine pensjonskostnader i 2025.

Fylkesoversikt

• 3,29 milliardar kroner meir i frie inntekter til Akershus neste år
• 3,02 milliardar kroner meir i frie inntekter til Oslo neste år
• 3,56 milliardar kroner meir i frie inntekter til Vestland neste år
• 2,69 milliardar kroner meir i frie inntekter til Rogaland neste år
• 2,65 milliardar kroner meir i frie inntekter til Trøndelag neste år
• 2,27 milliardar kroner meir i frie inntekter til Innlandet neste år
• 1,73 milliardar kroner meir i frie inntekter til Agder neste år
• 1,50 milliardar kroner meir i frie inntekter til Østfold neste år
• 1,74 milliardar kroner meir i frie inntekter til Møre og Romsdal neste år
• 1,52 milliardar kroner meir i frie inntekter til Buskerud neste år
• 1,15 milliardar kroner meir i frie inntekter til Vestfold neste år
• 1,63 milliardar kroner meir i frie inntekter til Nordland neste år
• 959 millionar kroner meir i frie inntekter til Telemark neste år
• 1,10 milliardar kroner meir i frie inntekter til Troms neste år
• 776 millionar kroner meir i frie inntekter til Finnmark neste år