Åtte millionar kroner til digital opplæring i 17 kommunar

- Når samfunnet blir stadig meir digitalt, må vi jobbe endå hardare for at ingen fell utanfor. Derfor løyver vi no pengar for å styrkje den digitale kompetansen hos seniorar og eldre nær der dei bur. Målet mitt er at alle skal ha eit slikt tilbod innan 2030, nettopp for at alle innbyggjarar trygt og sikkert skal kunne delta i det digitale samfunnet, seier digitaliserings- og forvaltningsminister Karianne Tung.

Tilskotet skal leggje til rette for at innbyggjarar med liten, eller ingen digital kompetanse, kan få hjelp og rettleiing til å ta i bruk alt frå nettbank til innlogging på Helsenorge. Målet er å inkludere fleire innbyggjarar i dagens digitale samfunn.

Det er Digitaliseringsdirektoratet som deler ut tilskotet på åtte millionar kroner etter søknad frå kommunane.

- Digdir skal leggje til rette for auka digital inkludering gjennom betre samordning og følgje opp handlingsplanen til regjeringa for auka inkludering i eit digitalt samfunn. Alle skal kunne delta i samfunnet på like vilkår. Målet er ein enklare digital kvardag for alle, seier Digdirs avdelingsdirektør Espen Sjøvoll.

Desse søkjarane får i år tildelt tilskot for å setje i verk tiltak for digital opplæring og rettleiing til innbyggjarane sine.

Kommune	Tilskot
Bykle	150 000
Dønna	200 000
Harstad	2 000 000
Hasvik	170 000
Karlsøy	100 000
Kristiansand	100 000
Kvænangen	850 000
Nore og Uvdal	300 000
Oslo kommune – Bydel Alna	1 300 000
Oslo kommune – Bydel Frogner	250 000
Rendalen	287 000
Sola	150 000
Vestby	500 000
Vik	175 000
Volda	1 000 000
Åfjord	165 900
Ås	300 000
Til saman	7 997 900