Djup bekymring for situasjonen i Sudan

Hundretusenvis av sivile er ramma. Mange av dei blir endå ein gong tvinga på flukt frå brutaliteten til krigen. Wad Medani har fram til no vore ei trygg hamn for internt fordrivne og ein viktig hub for den humanitære innsatsen.

Vi er òg svært bekymra over den spende situasjonen i El Fasher i Darfur. Det er ein stor risiko for ytterlegare eskalering av krigen når kampane blir intensiverte i Darfur. Dette vil òg kunne føre til ei svært negativ utvikling for sivile sudanarar som har søkt tilflukt i byen.

RSF og Sudan Armed Forces (SAF) må etterleve forpliktingane sine under internasjonal humanitærrett og menneskerettane for å verne landets sivile. Vi oppmodar begge partar i konflikten til å sikre uhindra humanitær tilgang.

Partane må setje omsynet til Sudans sivilbefolkning først.

Det finst inga militær løysing på denne konflikten. Den einaste måten å oppnå ein berekraftig fred, er gjennom ein inkluderande og representativ sudansk prosess, med støtte frå landa i region og det internasjonale samfunnet.