Fiskeriavtale mellom Noreg og Færøyane

- Norske fiskarar har lange tradisjonar for å fiske i færøyske farvatn, og avtalen med Færøyane er viktig for oss. Det er bra at vi har fått på plass ein avtale med fiskemoglegheiter òg i 2025, seier fiskeri- og havminister Marianne Sivertsen Næss.

I samsvar med nedgangen i torskekvoten og hysekvoten i Barentshavet inneber avtalen for 2025 ei reduksjon av kvotenivået frå årets avtale. Det betyr at Noregs kvotar på makrell i færøysk farvatn blir reduserte frå 6 600 tonn til 5 150 tonn. Denne kvoten kan fiskast både i færøysk farvatn, norsk økonomisk sone og internasjonalt farvatn.

Kvoten på lange/blålange blir redusert med 100 tonn til 2 500 tonn, medan kvoten på brosme aukar med 100 tonn til 1 400 tonn. Noregs kvote på 600 tonn andre artar som bifangst blei vidareført.

Færøyane si kvote på torsk i norske farvatn blir redusert frå 4 345 tonn til 3 910 tonn. Kvoten på 980 tonn hyse, 500 sei og 400 tonn andre artar som bifangst blir vidareført.

• Protokoll Norge Færøyene 2025.pdf