Gisle Norheim ny personaldirektør
Historisk arkiv
Publisert under: Regjeringen Solberg
Utgjevar: Kommunal- og moderniseringsdepartementet
Pressemelding | Dato: 25.09.2015
Gisle Norheim er i statsråd i dag utnemnd til ny personaldirektør i staten.
Norheim er 52 år og kjem frå stillinga som avdelingssjef i Nordisk ministerråd i København. Frå 1998 til 2012 hadde Norheim fleire ulike leiarstillingar i Forsvarsdepartementet. Frå 2009 til 2012 var han ekspedisjonssjef og leia avdelinga for personell og fellestenester.
Norheim er utdanna jurist og har arbeidsrett som spesialfag. Han tek til i stillinga 1. desember.
Kommunal- og moderniseringsdepartementet har ansvaret for den statlege arbeidsgjevarpolitikken. Statens personaldirektør vil leie avdelinga som arbeider med å utvikle den statlege personal- og arbeidsgjevarpolitikken.
Kommunal- og moderniseringsdepartementet sin pressetelefon: 22 24 25 00