Gram fekk forsvarssjefen sitt fagmilitære råd

– Det fagmilitære rådet er eit svært viktig innspel til den kommande langtidsplanen for forsvarssektoren, seier forsvarsminister Bjørn Arild Gram.

Forsvarssjefen vart i fjor haust beden om å gi sitt fagmilitære råd til regjeringa om korleis Forsvaret og Noregs tryggleik bør bli styrka.

– Me skal byggja eit sterkare og meir robust forsvar. Gjennom tilrådingane frå Forsvarskommisjonen, Totalberedskapskommisjonen, forsvarssjefen og Nasjonalt tryggingsorgan, har me eit svært godt grunnlag for å ta avgjerder om korleis vi skal gjere dette, seier Gram. 

I rådet gir forsvarssjefen konkrete tilrådingar innan følgjande område:

• Styrke eiga forsvarsevne med særleg vekt på nordområda
• Styrke samvirket med allierte og NATO
• Utvikle personell- og kompetanseområdet
• Motstå samansette trugslar og bidra til å redusera sårbarheita i samfunnet
• Styrke totalforsvaret og gjere samfunnet meir motstandsdyktig
• Auka evna til å ta i bruk ny teknologi som kan styrke forsvarsevna og gjere Forsvaret meir effektivt og moderne

Her kan du lese rådet: Forsvarssjefens fagmilitære råd 2023 - Forsvaret