Helse- og omsorgsministeren presenterte Kvinnehelsestrategien
Nyheit | Dato: 02.10.2024 | Helse- og omsorgsdepartementet
Helse- og omsorgsminister Jan Christian Vestre la torsdag 3. oktober fram Kvinnehelsestrategien. Strategien blei presentert på eit miniseminar om kvinnehelse, som du kan sjå i videospelaren under.
Framlegging av Kvinnehelsestrategien
Sjå sendinga her
Program
- Helse- og omsorgsminister Jan Christian Vestre presenterte strategien
- Generalsekretær Malin Stensønes ved Norske Kvinners Sanitetsforening heldt eit kort innlegg om kvinnehelse.
- Avdelingsleiar ved OUS Kirsten Hald heldt eit kort innlegg om Nasjonal kompetanseteneste for endometriose og adenomyose.
- Avdelingsleiar/overlege ved OUS Ingvil Krarup Sørbye orienterte om forskingsprosjektet om svangerskaps- og fødselsomsorg for migrantkvinner (oslo-universitetssykehus.no) som nyleg har kome til landet.
- Forskingsleiar og professor ved OUS Annetine Staff heldt eit innlegg om ny teknologi for sjukehusoppfølging i heimen for gravide (oslo-universitetssykehus.no).
Strøyming
Arrangementet blei filma av Tryggings- og serviceorganisasjonen til departementa (DSS), og ein kunne sjå sendinga direkte på regjeringa.no. Her kan du også laste ned videofila i etterkant.
DSS distribuerte som vanleg publiseringspunkt til medium som ville sende arrangementet direkte. Kontaktperson for dette kunne bli nådd på telefon 22 24 88 45 eller dss-videoproduksjon@dss.dep.no.
Presse som ønsker å bygge inn nett-tv-sendinga på nettstadene sine, finn embed-kode ved å trykke på «Del video»-knappen i videospelaren på sida.