Hilde Singsaas utnemnd som direktør for Direktoratet for forvaltning og økonomistyring (DFØ)
Pressemelding | Nr: 11/2023 | Dato: 17.03.2023 | Finansdepartementet
Dette innhaldet er meir enn 2 år gammalt.
Hilde Singsaas (51) er i statsråd i dag utnemnd som direktør for Direktoratet for forvaltning og økonomistyring (DFØ) for ein ny periode på seks år.
Ho vart første gang utnemnd som direktør for DFØ i 2017 og vil nå halde fram i stillinga, i eit nytt åremål frå 15. august 2023. Singsaas har brei erfaring frå ulike administrative og politiske roller. Ho har òg vore tilsett som kommunikasjonsdirektør i Norges Bank.