Kommunar kan no søke tilskot frå helseteknologiordninga

– Vi har lagt vekt på at kommunane skal få god tid til å skrive søknader, og har godkjent regelverket for tilskot før Stortinget har vedtatt budsjettet, fortel helse- og omsorgsminister Ingvild Kjerkol.

Tilskotet skal avlaste risikoen kommunar som går føre i å ta i bruk helseteknologi tar.

Direktoratet for e-helse har førebudd helseteknologiordninga, i samarbeid med Helsedirektoratet og KS. Det er Helsedirektoratet som forvaltar ordninga, og kommunane kan no førebu søknaden sin – gjerne saman med andre kommunar eller helseføretak.

Alle kommunar i landet kan søke, inkludert kommunar i Midt-Norge.

Ein god måte å hjelpe kommunane

– Vi opplev at det er stor einigheit om at kommunane må ta i bruk meir og betre helseteknologi, noko eg synest er veldig gledeleg. Tilskot er ein god måte å hjelpe kommunane på, og gjer at kommunar kan kome raskt i gang med digitale løysingar som er til det beste både for pasientar og fagfolka våre, seier Kjerkol.

Det er kommunane sjølve som er ansvarlege for å ha gode teknologiske løysingar for sine tilsette i helse- og omsorgstenesta, og som støtte i helsehjelpa for innbyggarane sine.

Heilt konkret så skal tilskota gå til å ta teknologi i bruk ved å støtte både utprøving, anskaffing og innføring.

Tilskotet kan gå til kommunar som ønsker å samarbeide med Norsk helsenett om å prøve ut nye område for samspel som del av Felles journalløft for kommunane.

Også KS arbeidar med å samordne og koordinere digitalisering av helse- og omsorgstenestene, og regjeringa vil derfor sjå den nye tilskotsordninga for kommunane i samband med KS sitt arbeid på området.

Velferdsteknologi blir prioritert

På sikt skal helseteknologiordninga omfatte alle typar helseteknologi, men tilskota vil neste år bli innvilga for områda velferdsteknologi, digital heimeoppfølging og betre journalløysingar.

Kommunane kan til dømes få støtte i prosessen med å bytte ut eller oppgradere journalløysinga si. Det vil gi betre støtte til fagfolka og betre digital samhandling, slik at pasientane ikkje treng å bære med seg sin eigen helseinformasjon.

I staden er det som trengst av helseinformasjon tilgjengeleg i systema som fagfolka nytter i arbeidet sitt.

Digital heimeoppfølging

Eit anna døme er å ta i bruk digital heimeoppfølging, der pasientane får digital støtte til å meistre eigen sjukdom betre.

Helseteknologiordninga er ei vidareføring av satsinga på velferdsteknologiområdet, og nokre prosjekt frå Velferdsteknologiprogrammet er prioriterte i regelverket om tilskot for 2024.

– Med helseteknologiordninga har vi lytta til innspela vi har fått, både frå helse- og omsorgstenesta og helsenæringa, og prioriterer ei ordning som vil vere ei hjelp og støtte for kommunane, og også vere føreseieleg for leverandørane, seier Kjerkol.

Ei satsing på standardisering

Noko både helse- og omsorgstenesten og helsenæringa har etterlyst er standardisering (ehelse.no).

Standardisering vil i praksis seie ei felles «oppskrift» eller «tilnærming» på korleis noko skal bli lagd eller gjennomført, og er avgjerande for at opplysningar kan bli korrekt utveksla mellom verksemder, helsepersonell og innbyggarane.

Tilskota kan derfor også nyttast til anskaffing av fagleg støtte til koordinering og gjennomføring av standardiseringsarbeid, og vil spele godt saman med rettleiingstenesta som også blir etablert som ein del av helseteknologiordninga.