Kommunar og fylkeskommunar får utbetalt 704 millionar etter ekstremvêret Hans før jul

– Kommunar og fylkeskommunar skal ikkje stå aleine når store naturkatastrofar rammar. Regjeringa stiller opp, og utbetalar allereie no ein betydeleg kompensasjon for skadane ekstremvêret førte til i august i år, seier kommunal- og distriktsminister Erling Sande.

 

Kommunar og fylkeskommunar kan få delvis kompensasjon for utgifter til handtering av den akutte krisesituasjonen, opprydding og reparasjon av kommunal infrastruktur. I samband med Hans kan òg kostnader til opprydding på anna enn kommunal infrastruktur bli dekka innafor ordninga, der kostnadene ikkje blir dekt av andre ordningar.

Retningslinjene for skjønnstildelingen er lagt til grunn for Kommunal- og distriktsdepartementets behandling av søknadar.

Fleire kommunar og fylkeskommunar har søkt om å få dekka kostnadar knytt til uavklarte forhold, til dømes uoppdaga skader, uavklart finansiering, forsikringsoppgjer eller eigarforhold. Departementet har ikkje inkludert kostnadar til desse forholda i grunnlaget for kompensasjon no.

Dersom kommunane og fylkeskommunane får auka kostnadar når desse forholda er avklart, vil det vere mogleg å sende inn ein tilleggssøknad på eit seinare tidspunkt. Det kan til dømes vere at dei oppdagar nye skadar, at aktuelle kostnadar ikkje blir dekt av forsikring eller andre ordningar, eller at eigarforhold blir avklart.

Det er også knytt usikkerheit til fleire av kostnadsanslaga i søknadane, og for nokre kommunar treng departementet meir informasjon for å vurdere søknadane. I slike høve vil kommunane få tilbakemelding først på nyåret. Det er løyva 1,7 milliardar kroner ekstra til kompensasjon i år. Midlane som ikkje er utbetalt i 2023, blir overført til 2024.

Søknadar frå 28 kommunar og tre fylkeskommunar er no behandla i departementet, mens 12 søknadar framleis er til behandling. Tabellane under viser fordelinga av utbetalte midlar mellom fylkeskommunar og kommunar.

Tabell 1: Utbetalt kompensasjon til fylkeskommunar for ekstremvêret Hans (kroner)

Fylkeskommune	Utbetalt beløp
Innlandet	250 000 000
Viken	100 000 000
Sum	350 000 000

 

Tabell 2: Utbetalt kompensasjon til kommunar for ekstremvêret Hans (kroner)

Kommune	Utbetalt beløp
3007 Ringerike	37 400 000
3013 Marker	5 800 000
3039 Flå	300 000
3040 Nesbyen	25 300 000
3041 Gol	9 800 000
3042 Hemsedal	1 200 000
3043 Ål	55 000 000
3044 Hol	5 400 000
3046 Krødsherad	700 000
3403 Hamar	4 400 000
3407 Gjøvik	31 300 000
3433 Skjåk	400 000
3434 Lom	6 900 000
3435 Vågå	7 300 000
3438 Sør-Fron	22 900 000
3439 Ringebu	19 300 000
3441 Gausdal	32 700 000
3442 Østre Toten	36 000 000
3443 Vestre Toten	9 800 000
3454 Vang	8 200 000
5026 Holtålen	7 600 000
5426 Kåfjord	26 100 000
Sum	353 800 000

 

Kommunal- og distriktsdepartementet sin pressetelefon: 22 24 25 00

E-post til kommunikasjonseininga: ke@kdd.dep.no