Kronprins Haakon besøkjer Litauen

Besøket markerer dei tette og gode banda mellom Noreg og Litauen. Kronprinsen vil mellom anna møte Litauens president Gitanas Nausėda. Kronprinsen besøkte Litauen sist i 2018 då landet feira 100 år med sjølvstende. I år markerer landet 20 år som medlem av Nato.

Under besøket vil Kronprinsen òg opne eit seminar om norsk-litauisk forsvarssamarbeid og besøkje eit norskstøtta senter for ukrainske flyktningar. Kronprinsen blir følgd av statssekretær i UD Maria Varteressian.

Kronprinsen skal òg besøkje det norske styrkebidraget i Rukla leir. Noreg har heilt sidan etableringa av «NATO Enhanced Forward Presence Battle Group Lithuania» (eFP) i 2017 bidrege med soldatar og utstyr til den multinasjonale tyskleidde stridsgruppa.

Frist for pressen til å akkreditere seg er 20. mars.

For å akkreditere seg må pressa ta kontakt med pressekontakt ved ambassaden i Vilnius: Ole Terje Horpestad, e-post: ol. terje.horpestad@mfa.no, mobil +370 618 44 422

Pressekontakt ved Det kongelege hoffet: Sara Svanemyr, e-post: sara.svanemyr@slottet.no, mobil: 95 25 80 40