Lagdommar Mats Wilhelm Ruland blir ny riksmeklar

Arbeids- og sosialdepartementet meiner lagdommar Mats Wilhelm Ruland peiker seg ut som den best kvalifiserte søkjaren til stillinga som ny riksmeklar.

Ruland har juridisk embetseksamen frå Universitet i Oslo frå 2003. Han har solid erfaring frå domstolen, som dommar frå tingretten og no som lagdommar.

Ruland har erfaring frå rettsmekling i domstolen. Han har tidlegare praktisert som advokat og har hatt verv i Personvernnemnda. Ruland har sidan 2016 vore oppnemnd som særskilt meklar hos Riksmeklaren, og i 2018 blei han utnemnd til kretsmeklar for Østlandet krets. Ruland har såleis solid innsikt i og praktisk erfaring frå meklingsinstitusjonens virke og ansvarsområde.

– Mats Wilhelm Ruland er særs godt kvalifisert for dei oppgåvene og utfordringane som ligg i stillinga som riksmeklar. Gjennom sin solide faglege kompetanse, arbeidserfaring og personlege eigenskapar har han gode føresetnader for å fungere godt som riksmeklar, seier statsråd Anniken Hauglie.

Tiltredelse skjer frå det tidspunktet departementet bestemmer.