CSW66: Møte om likestilling og rettar for kvinner i New York
Nyheit | Dato: 18.03.2022 | Kultur- og likestillingsdepartementet
Dette innhaldet er meir enn 2 år gammalt.
Statssekretær Gry Haugsbakken i Kultur- og likestillingsdepartementet deltek denne veka på FNs kvinnekommisjon i New York. Det er eit årleg møte om likestilling og rettar for kvinner.
![Haugsbakken holder innlegget i FN](/globalassets/departementene/kud/bilder/arrangementer/gry-haugsbakken-hovudinnlegg-generaldebatten-fns-kvinnekommisjon-2022-foto-thea-bull-skarstein-kud.jpg?preset=article&v=1870283192)
Tema for årets kommisjon er samanhengen mellom klimaendringar og likestilling. Haugsbakken heldt Noregs hovudinnlegg i generaldebatten torsdag 17. mars. I innlegget la ho vekt på fire tema:
- At det er nødvendig å kjempe mot den internasjonale motstanden mot likestilling
- Behov for å sikre rettar for arbeidstakarar i overgangen til ein grøn økonomi
- Retten til friheit frå vald
- Seksuell og reproduktiv helse og rettar for kvinner og jenter