Møter Meta, Google, Tiktok og Snapchat i departementet

I tillegg deltek statssekretær Trine Fagervik i Barne- og familiedepartementet.

På møtet vil statsrådane ta opp korleis aktørane kan bidra til å trygge barn på nett og kva løysingar dei har for at ei aldersgrense på sosiale medium blir overhaldne.  Statsrådane ønskjer óg å få kommentarar til den nye lova i Australia, som forbyr sosiale medium til barn under 16 år. Den norske regjeringa har tidlegare varsla at det vil komme reguleringar for å verne barn i sosiale medium.

– Sosiale medium tar for stor plass i liva til barna våre. Tilbydarane av sosiale medium må derfor ta eit stort ansvar for kva barna og ungdommane våre opplever på nett. Det er dei som har hovudansvar for å finne løysingar som sikrar at barn ikkje blir eksponert for innhald som ikkje passar for dei, seier Tung.

Statsrådane vil i møtet vere tydeleg på kva forventingar dei har til kva plattformselskapa sjølv kan bidra med.

– Vi vil diskutere med selskapa kva løysingar dei sjølv kan bidra med for å sikre at barn er trygge på internett og kva selskapa kan gjere for at ei aldersgrense blir overhalden, seier Nessa Nordtun.

Statsrådane vil vere tilgjengeleg for kommentarar utanfor slusene i R5 i Akersgata 59 etter møtet.

Vi ber om at media melder seg på ved å sende epost til presse@dfd.dep.no.