Mykje poteter på lager

Per 1. januar 2025 var det om lag 122 000 tonn norske poteter på lager. Om lag ein fjerdedel er matpoteter som skal ut i butikkane. Resten skal gå til industriproduksjon, som til dømes potetgull og pommes frites. Totalbehaldninga er nesten 40 prosent større sett opp mot 2024.

Tilgangen på norske småpoteter har auka. Ved nyttår var lagerbehaldninga på nesten 4000 tonn. Behaldninga av vanlege konsumpoteter er om lag 23 000 tonn. Når det gjeld industripoteter, ligg behaldninga på 90 000 tonn poteter.

Det har vore god omsetnad av norske poteter denne sesongen. Det kjem delvis av at det har blitt importert mindre potet enn tidlegare år. Utviklinga i lagerbehaldninga avheng av om omsetnaden held seg på same nivå. Lagringskvaliteten er òg viktig.

• Les meir på nettstaden til Landbruksdirektoratet Mye poteter på lager ved nyttår - Landbruksdirektoratet

Landbruksdirektoratet publiserer oppdaterte lagertal to gonger i løpet av våren.