8,1 milliardar til Enova

– Enova er vårt viktigaste tiltak for nye klima- og energiløysingar. Eg er derfor veldig glad for at me no sikrar at dei kan halda det viktige arbeidet sitt fram med å bidra i Noregs omstilling til lågutsleppsamfunnet, seier klima- og miljøminister Tore O. Sandvik.  

Inkludert i budsjettet frå Klima- og miljødepartementet er ein auke på 1,7 milliardar kroner til Enova under innsatsfordelingsforordninga, der 1,2 milliardar kroner skal gå til landtransport. 1,3 milliardar kroner går over EDs budsjett, mellom anna til ei eiga støtteordning til energitiltak i hushald. 

Regjeringa har starta utforminga av ein ny styringsavtale med Enova som skal gjelda for perioden 2025–2028.

– Regjeringa legg opp til at Enova skal halda fram med å ha stor fridom til å prioritera mellom område, utforme program og tildele støtte til enkeltprosjekt, slik at midlane blir utnytta mest mogleg effektivt, seier klima- og miljøminister Tore O. Sandvik.

Enova og Klima- og energifondets formål i den nye styringsavtalen skal vere å bidra til å nå Noregs klimaforpliktingar, og å fremja effektive klima- og energiomstillingstiltak på vegen mot lågutsleppssamfunnet.