Nye styre i NOKUT og Diku

- Eg er veldig glad for at vi har fått på plass nye styremedlemer i NOKUT og Diku. Auka kvalitet og internasjonalisering i høgare utdanning blir stadig viktigare, så eg vil ønskje dei nye medlemane lykke til med arbeidet, seier forskings- og høgare utdanningsminister Henrik Asheim (H).

Nye styremedlemer i NOKUT

Saira Basit (1981, Oslo)  Basit er visedekan/assisterande avdelingssjef i fagstaben ved Forsvarets høgskole. Basit har permisjon frå stillinga som førsteamanuensis ved Institutt for forsvarsstudiar. Ho sitt i dag i styret ved Fakultet for Teknologi, kunst og design ved OsloMet, som eksternt styremedlem.

Øystein Eriksen Søreide (1969, Oslo) Søreide er administrerande direktør i Abelia. Han har tidlegare vore byråd for helse og sosiale tenester i Oslo kommune for Høgre, og bydelsdirektør i Bydel Grorud i Oslo kommune.

Wictor Østvand Jensen (1995 Heradsbygd) Jensen er leiar i Organisasjon for Norske Fagskolestudentar (ONF). Jensen har vore studentrådsleiar på Fagskolen Innlandet og er styremedlem i Nasjonalt fagskoleråd og Nasjonalt råd for tekniske fagskoleutdanningar. Han har gått på Fagskolen Innlandet, maskinteknisk drift og studerer no praktisk leiing ved Fagskolen Tinius Olsen.

Styreleiar og andre styremedlemar er anten gjenvalde eller ikkje på val. Funksjonsperioden for styre- og varamedlemene er fire år, med unntak av studentane som blir oppnemnde for halvanna år.

Nytt styremedlem i Diku

Atle Simonsen (1988, Stavanger) Simonsen er dagleg leiar der i Universitetsfondet Rogaland AS. Han har tidlegare vore statssekretær i Kunnskapsdepartementet og Finansdepartementet. Vararepresentant på Stortinget for FrP, møtte fast som representant frå oktober 2017- januar 2018. Simonsen har ein bachelorgrad i økonomi frå Universitetet i Stavanger.

Styreleiar og dei andre medlemene og varaer er gjenoppnemnde. Funksjonsperioden for styre- og varamedlemer er fire år.