Opprettar samarbeidsforum for arbeidsinkludering
Nyheit | Dato: 24.03.2023 | Arbeids- og inkluderingsdepartementet
Arbeids- og inkluderingsdepartementet og partane i arbeidslivet opprettar eit samarbeidsforum for arbeidsinkludering. Målet er å gi fleire innpass i arbeidslivet.
– Det å ha ein jobb er viktig både for den einskilde og for samfunnet. Vi vil bruka den kompetansen og erfaringa som partane i arbeidslivet har til å auka arbeidsinkluderingen. Blant anna korleis vi legg til rette for at fleire utsette grupper kan gjennomføre fag- og yrkesopplæring, og kva arbeidsgjevarar treng av bistand ved tilsetjing av arbeidssøkjarar med oppfølgingsbehov eller helseutfordringar, seier arbeids- og inkluderingsminister Marte Mjøs Persen.
Samarbeidsforumet består av representantar frå åtte hovudorganisasjonar og Kommunal- og distriktsdepartementet (KDD), og med deltaking frå Kunnskapsdepartementet (KD) og Helse- og omsorgsdepartementet (HOD) på embetsnivå.
Forumet ligg under Arbeidsliv- og pensjonspolitisk råd (ALPR). Statssekretær Maria Schumacher Walberg i Arbeids- og inkluderingsdepartementet leiar forumet. Skipinga av samarbeidsforumet for arbeidsinkludering er ein oppfølging av IA-avtale som vart inngått i november 2022.
Desse partane er med:
Landsorganisasjonen (LO)
Næringslivets Hovedorganisasjon (NHO)
Kommunesektorens (KS)
Spekter
Virke
Unio
Akademikerne
Yrkesorganisasjonenes Sentralforbund (YS)
![YS-leiar Hans-Erik Skjæggerud talar under møte i Arbeidsliv- og pensjonspolitisk råd (ALPR)](/contentassets/d9451816944440fd8ca3604014ac08d6/mote-i-arbeidslivs-og-pensjonspolitisk-rad-alpr-21.03.2023-1.png?preset=article&v=-534761969)
![Den politiske leiinga i arbeids- og inkluderingsdepartementet.](/contentassets/d9451816944440fd8ca3604014ac08d6/mote-i-arbeidslivs-og-pensjonspolitisk-rad-alpr-21.03.2023-2.png?preset=article&v=422524049)