Møte om Oslofjorden

Korleis står det til med livet i Oslofjorden, og kva er status for tiltaka i Oslofjordplanen? Dette er tema for Oslofjordrådet sitt møte neste veke.

Oslofjordrådet blei oppretta i 2021. Rådet består av eit utval av ordførarar, fylkesordførarar, samt representantar frå statsforvaltarar, Oslofjordens friluftsråd, Norges Fiskarlag og Norges Bondelag.

Det er klima- og miljøminister Andreas Bjelland Eriksen som leier rådsmøtet måndag. To rapportar blir lagt fram under møtet.

Miljødirektoratet skal kvart år rapportere på status for framdrift av tiltaka i Oslofjordplanen. Direktoratet legg måndag fram ein ny statusrapport om framdrifta i arbeidet. Rapporten omhandlar status innan alle områda som omfattast av planen, til dømes avløp, jordbruk, fiskeri, marin forsøpling, restaurering og friluftsliv.

I tillegg skal NIVA presentere ein ny tilstandsrapport om livet i fjorden. Rapporten gir ein oversikt over tilstanden i dag og utviklinga i Oslofjorden.

Fiskeri- og havminister Marianne Sivertsen Næss, statssekretær Wenche Westberg i Landbruks- og matdepartementet og statssekretær i Nærings- og fiskeridepartementet Kristina Hansen vil også delta på møtet.

Når: Måndag 20. januar, 10.00-12.00.

Kor: Marmorhallen, Klima- og miljødepartementet, Kongensgate 20, Oslo.

Påmelding: presse@kld.dep.no

NB: Hugs gyldig legitimasjon (ID-kort, pass eller fysisk førarkort)