Presseinvitasjon: Kontaktkonferansen for forsking og høgare utdanning

Her møter statsråden leiarar ved universiteta, høgskulane og forskingsinstitutta for å diskutere utviklinga av forsking og høgare utdanning i Noreg.

Vi står overfor store, akselererande samfunnsutfordringar. Vi står midt i eit gjennomgripande teknologiskifte. Vi står i ein ny geopolitisk situasjon. Vi manglar kompetanse og folk innan kritiske yrke. Samstundes skal Noreg gjennom den største omstillinga av økonomien i moderne tid. Korleis kan forsking og høgare utdanning ruste Noreg til å møte desse utfordringane?

• Sjå heile programmet på konferansen si side.

For pressa

Det blir moglegheiter for intervju. Journalistar bør melde seg på. Hugs gyldig ID (førarkort, pass eller nasjonalt ID-kort). Påmelding eller spørsmål kan sendast til kommunikasjonsrådgjevar Anneline Svensen anneline.svensen@kd.dep.no.

Strøyming

Arrangementet blir filma av Digitaliseringsorganisasjonen til departementa (DIO) og kan følgast direkte på www.regjeringa.no. Der kan også videofila lastast ned i etterkant. DSS kan kontaktast på telefon 22 24 88 45 eller e-post dss-videoproduksjon@dss.dep.no.

Presse som ønsker å bygge inn nett-tv-sendinga på sine nettsider finn innbyggingskode ved å trykke «Del video»-knappen i videospelaren på sida.