Presseinvitasjon: Samferdselsministeren tar i mot ekstern rapport om driftsstansen på Follobanen
Pressemelding | Nr: 59/202 | Dato: 22.06.2023 | Samferdselsdepartementet
Vi inviterer til pressetreff måndag 26. juni i samband med at samferdselsminister Jon-Ivar Nygård får overlevert ei ekstern evaluering av stenginga av Follobanen frå Implement Consulting Group AS og deira underleverandør Advokatfirmaet Schjødt AS.
Samferdselsministeren tar imot ekstern rapport om Follobanen
![Sjå sendinga her](https://video.regjeringen.no/player24/data/video/80a3c0b2-1ba3-45b1-a2ea-f82e265f8cfd/thumbs/af87bca3-d18d-4bca-8d25-4234c30713fa.jpg)
Sjå sendinga her
Stad: Auditoriet, R5, Akersgata 59, Oslo – og digitalt
Tidspunkt: Måndag 26. juni kl. 09.30
På pressetreffet kjem Implement Consulting Group til å presentere rapporten, før samferdselsminister Jon-Ivar Nygård svarer på spørsmål.
Journalistar og fotografar som ønskjer å vere til stades på pressetreffet, må på førehand melde seg på via pressekontakt Edvard Andersen, Kommunikasjonseininga, Samferdselsdepartementet, e-post: edvard.andersen@sd.dep.no, mobil: 90511667.
Det vil også vere mogleg å følgje pressetreffet digitalt. Journalistar som ønskjer å stille spørsmål til samferdselsministeren, kan sende dei til pressekontakt Andersen.
Om sendinga
Pressekonferansen blir strøyma av Tryggings- og serviceorganisasjonen til departementa (DSS) og kan følgjast direkte på denne sida. Her kan også videofila lastast ned i etterkant. DSS distribuerer publiseringspunkt til media som vil sende pressekonferansen direkte. DSS kan kontaktast på telefon 22 24 88 45 eller e-post dss-videoproduksjon@dss.dep.no.
Presse som ønskjer å bygge inn nett-tv-sendinga på sine nettsider finn embed-kode ved å trykkje «Del video»-knappen i videospelaren på sida.