Sikrar finansieringa av folkekyrkja

– Regjeringa ønskjer eit livssynsope samfunn, og tilskota til Den norske kyrkje og dei andre trus- og livssynssamfunna er viktige for å sikre dette. Folkekyrkja er dessutan ein sentral del av vår kulturarv og representerer ei samfunnskraft. Det må vi ta vare på, mellom anna ved å sikre finansieringa av både Den norske kyrkja og andre trussamfunn, seier barne- og familieminister Kjersti Toppe (Sp).

For 2025 føreslår regjeringa eit rammetilskot på 2,66 milliardar kroner til Den norske kyrkja. For andre trus- og livssynssamfunn føreslår regjeringa ei overslagløyving på 1,22 milliardar kroner i 2025.

Tilskotet til trus- og livssynssamfunn svarar om lag til det staten og kommunane gir i tilskot til Den norske kyrkja, rekna per medlem.

Fire faktorer inngår i reknestykket for tilskotet til andre trussamfunn: utgifter til Den norske kyrkja over statsbudsjettet, utgiftene kommunane har til Den norske kyrkja, talet på medlemmer i Den norske kyrkja og talet på medlemmer i trus- og livssynssamfunna utanom Den norske kyrkja.