Over ni av ti stod på statsborgarprøva

– Me ønskjer at innvandrarar og flyktningar skal integrerast så raskt som mogleg, få seg jobb og bli aktive deltakarar i lokalsamfunn over heile landet. Det krev både språkkunnskap og ei god forståing av det norske samfunnet. E eg glad for at over ni av ti klarer statsborgarskapsprøva, og det er berre å gratulere, seier arbeids- og inkluderingsminister Tonje Brenna.  

Talet på deltakarar som står på prøva er jamt over høgt i heile landet. Best resultat har Oslo og Vestland med  93,9 og 93 prosent.

– Sidan statsborgarprøva vart etablert i 2017, har me sett ein auke i delen kandidatar som står. Det er ein positiv trend som viser at dei har opparbeidd seg ferdigheiter i norsk og kunnskap om det norske samfunnet, seier Sveinung Skule, direktør i Direktoratet for høgare utdanning og kompetanse. Direktoratet lagar prøva på oppdrag frå Arbeids- og inkluderingsdepartementet.

Statsborgarprøva er ei kunnskapsprøve med utgangspunkt i Læreplan for opplæring i samfunnskunnskap for vaksne innvandrarar. Prøva inneheld 32 poenggivande spørsmål, der deltakarane må svara rett på minst 24 av dei for å stå. Viss du skal søkje om norsk statsborgarskap, og er mellom 18 og 67 år, må du ha stått på statsborgarprøva eller prøva i samfunnskunnskap på norsk.

	Antall deltakere	Andel bestått
Agder	241	90,0
Innlandet	232	91,8
Møre og Romsdal	198	88,4
Nordland	144	82,6
Oslo	1098	93,9
Rogaland	539	91,5
Troms og Finnmark	203	86,7
Trøndelag	368	89,1
Vestfold og Telemark	259	87,6
Vestland	599	93,0
Viken	1452	91,9
Totalt	5333	91,3