Statsleiarar uttrykker sterk støtte til multilateralt samarbeid

– Framtidspakta gir brei støtte til ein ny giv for å nå berekraftsmåla. Finansiering er avgjerande for å nå dei felles måla våre. Globale institusjonar må bli meir representative og reflektere verda i dag på ein betre måte enn dei gjer no. Pakta slår òg fast at Tryggingsrådet må utvidast og bli meir representativt, transparent og effektivt. Reform av dei internasjonale finansinstitusjonane er òg heilt nødvendig, seier utanriksminister Espen Barth Eide.

– Vedtaket av Fremtidspakten er eit uttrykk for overveldande støtte frå statsleiarane i verda til eit inkluderande, multilateralt samarbeid, der ungdom og sivilt samfunn deltek. Breitt samarbeid er heilt nødvendig for å løyse dei globale problema vi står overfor i dag, og for kommande generasjonar, seier Eide.