Statsministeren til Belgia
Kalenderhending | Jonas Gahr Støre, Terje Aasland
Stad: Belgia
Statsminister Jonas Gahr Støre og olje- og energiminister Terja Aasland er på reise i Belgia.
Kl. 11.00: Statsminister Jonas Gahr Støre møter Europakommisjonens president Ursula von der Leyen for å signere avtale om «Grønn allianse», eit høgnivåsamarbeid om energi, industri og klima mellom Noreg og EU. Stad: Berlaymont, Brussel
Kl. 12.30: Statsministeren og olje- og energiministeren besøkjer bedrifta ArcelorMittal saman med Belgias statsminister Alexander De Croo, energiminister Tinne Van der Straeten og Nordsjøminister Vincent Van Quickenborne. Tema for besøket er norsk-belgisk industrisamarbeid for å få ned utslepp av klimagassar gjennom karbonfangst og lagring og produksjon av hydrogen. Equinor deltek saman med selskapa ArcelorMittal, Engie og Flyxys.
Kl. 15:30 Statsministeren og olje- og energiminister Terje Aasland deltek på the North Sea Summit i Oostende i Belgia. Tema for konferansen er samarbeid om fornybar energi i Nordsjøen. Under toppmøtet deltek også regjeringsleiarar og energiministrar frå Danmark, Tyskland, Belgia, Nederland, Frankrike, Irland og Storbritannia og EU-kommisjonens president Ursula von der Leyen. Næringsliv frå Noreg og dei andre landa vil også vere representert. Les meir på denne nettstaden: www.northseasummit23.be
Fristen for akkreditering er gått ut.
Pressekontakt er statssekretær Kristoffer Thoner, telefon 97 68 14 80, e-post kth@smk.dep.no og kommunikasjonsrådgivar Ingrid Brandal Myklebust, telefon 99 50 19 17, e-post ibm@smk.dep.no.
Pressekontakt for olje- og energiministeren er kommunikasjonsrådgiver Henrik Hoel, telefon 48 13 61 94, e-post henrik.hoel@oed.dep.no.