Statsministeren møter Sverige og Finland om sikkerheitspolitikk

Statsminister Jonas Gahr Støre møter Sveriges statsminister Ulf Kristersson og Finlands president Sauli Niinistö til eit møte om sikkerheitspolitikk, støtte til Ukraina og samarbeid mellom Sverige, Finland og Noreg.

Møtet er på Harpsund i Sverige onsdag 22. februar. Dette er ei oppfølging av eit møte mellom Sverige, Finland og Noreg som fann stad i Finland i 2019.

Under møtet deltek også Noregs utanriksminister Anniken Huitfeldt, Noregs forsvarsminister Bjørn Arild Gram, Sveriges utanriksminister Tobias Billström, Sveriges forsvarsminister Pål Jonson, Finlands utanriksminister Pekka Haavisto og Finlands forsvarsminister Mikko Savola.

Etter møtet, klokka 15:15, blir det eit felles pressetreff med statsminister Ulf Kristersson, president Sauli Niinistö og statsminister Jonas Gahr Støre. Det er avgrensa med plassar under pressetreffet. Presse som ønskjer å delta må akkreditere seg til emma.kvennberg@regeringskansliet.se seinast 20 februar kl. 17.00.

Det er også lagt opp til ein kort gåtur med bildemoglegheiter (kun fotografar) klokka 14:20. Fotografar må akkreditere seg til emma.kvennberg@regeringskansliet.se seinast 20. februar kl. 17.00.

Pressekontakt for statsminister Jonas Gahr Støre er statssekretær Kristoffer Thoner, telefon 97 68 14 80, e-post kth@smk.dep.no og kommunikasjonsrådgivar Ingrid Brandal Myklebust, telefon 99 50 19 17, e-post ibm@smk.dep.no. Vi ber om at norsk presse som ønskjer å vere med tek kontakt med ibm@smk.dep.no innan 20. februar.

Pressekontakt for utanriksminister Anniken Huitfeldt er kommunikasjonsrådgivar Ane Haavardsdatter Lunde, telefon 97 67 12 50, e-post Ane.Lunde@mfa.no. Pressekontakt for forsvarsminister Bjørn Arild Gram er kommunikasjonsrådgivar Marita Hundershagen, telefon 902 87 846, e-post marita.hundershagen@fd.dep.no.