Statsråd Sande møtte sin svenske kollega for å diskutere bustad- og bygningspolitikk

Fleire aktuelle tema var på dagsorden, som bustadbygging, bustadetablering og digitalisering av plan og byggeprosessane. Både Sverige og Noreg opplever fleire av dei same utfordringane på bustadmarknaden, både i bygd og i by.

Ministrane utveksla erfaringar både om situasjonen i bustadmarknaden og om ulike bustadpolitiske tiltak. Carlson viste særleg interesse for arbeidet vårt med bustadkjøpsmodellar, digitalisering av bygningsregelverket, og startlånsordninga frå Husbanken.

– Dette var eit veldig nyttig møte. Sjølv om både eige- og leigemarknadene er forskjellige i våre to land, så er det lærerikt å diskutere med kvarandre. Vi vil halde fram det gode samarbeidet i tida som kjem, seier Sande.