Tildeler 7,3 millionar til kompetansetiltak innan plan, kart og geodata

Tilskota blir gitt til ulike verksemder, organisasjonar og faglege nettverk. Løyvinga frå departementet skal auke kompetansen innan planlegging og utvikling av kart og geodata i privat og ideell sektor.

Departementet legg stor vekt på at alle som deltek i planprosessar har tilstrekkeleg kunnskap om sine rettar, pliktar og om gangen i planarbeid. Tiltaka som no får tilskot vil komme deltakarar i planprosessar til gode som t.d. innbyggarar, folkevalde, planleggarar, organisasjonar og næringsliv. Dette vil bidra til at kommunane og fylkeskommunane lukkast med god medverking i planarbeidet, at planane har god kvalitet og at prosessane går effektivt.

KDD har også som målsetting å auke den tekniske standarden på slike planar. Dette kan ein oppnå mellom anna ved å utvikle nye elektroniske hjelpemiddel i saksframstillinga, betre metodikken for medverkningsprosessar og å samordne prosessane frå plan til byggesak.

I år har departementet fått 55 søknader. Det samla søknadsbeløpet var på ca. 13,1 millionar kroner og vitnar om stor interesse for ordninga. Det er to prioriterte tilskotsmottakarar i årets tildeling. Dette er BYLIVsenteret i regi av Norske arkitekters landsforbund (NAL) som får tilskot til drift på 2 millionar og Sekretariatet for etter- og vidareutdanning i samfunnsplanlegging (SEVS) som får tilskot til drift på 1 million kroner. Begge arbeidar hovudsakleg med å auke den offentlege plankompetansen.

Desse søkarane har fått tildelt tilskot i 2023:

Tema planlegging

• Byantropologene AS
• Futurebuilt
• Grindaker AS
• Habitat Norway
• Holth og Winge AS
• Insam AS
• Kommunesektorens interesseorganisasjon (KS) v/Sekretariatet for etter- og videreutdanning, Forum for utdanning for samfunnsplanlegging og Forum for kommunale planleggere
• Hisøy frivillighetssentral KS Agder 
• Leva Urban design
• Norsk bolig og byplan forening
• Norsk kommunalteknisk forening
• Norske arkitekters landsforbund
• Openhouse Oslo
• Openhouse Bergen
• PS Paaby Prosess
• Transportøkonomisk institutt
• Tekna Samfunnsutviklerne

Tema kart og geodata

• Inger Hokstad AS
• Geoforum sin hovudorganisasjon får eit tilskot til å arrangere en kommunal geomatikkkonferanse.
• Geoforum sin hovudorganisasjon får eit tilskot på 500 000 kr, med forutsetning om at dette vert fordelt til alle regionane som har søkt:
  • GeoForum Finnmark
  • Geoforum Hordaland
  • Geoforum Innlandet
  • Geoforum Nordland
  • GeoForum Møre og Romsdal
  • GeoForum Oslo og Akershus
  • GeoForum Sørlandet
  • GeoForum Trøndelag
  • Geoforum Telemark
  • GeoForum Troms
  • Geoforum Vestfold

Meir om ordninga: Søk om tilskudd til kompetansetiltak innen plan, kart og geodata - frist 14. april - regjeringen.no

Tilskotet er omtalt i Prop. 1 S (2022–2023) for Kommunal - og moderniseringsdepartementet under kap. 590 "Planlegging og byutvikling", post 81.