Utsett iverksetjing for redusert meirverdiavgiftssats for vatn og avløp til 1. juli

I statsbudsjettet for 2025 vart det vedteke å redusere meirverdiavgiftssatsen for vatn og avløp til 15 pst., med planlagd ikraftsetjing 1. mai 2025. Innspel frå høyringa tilseier imidlertid at ei slik reduksjon bør utsetjast til 1. juli 2025 for å lette innføringa for kommunane.

Bakgrunnen for framlegget om å redusere meirverdiavgiftssatsen for vatn og avløp var å bidra til å redusere levekostnadene for hushald som har opplevd redusert kjøpekraft på grunn av høg prisvekst og auka renter. Ei vanleg hushaldning ville med framlegget få ei avgiftsletting på mellom 500 og 1 500 kroner.

Då framlegget vart fremja, vart det teke atterhald om at tidspunktet for ikraftsetjing kunne justerast av departementet basert på innspel frå høyringa. I høyringa, som vart avslutta 8. april i år, var eit klart fleirtal av kommunane som gav innspel tydelege på at endringar i meirverdiavgiftssatsen på dette området må leggjast til årsskiftet eller minst til 1. juli 2025, for å unngå unødvendige administrative bører og kostnader for kommunane. Desse klare tilbakemeldingane, støtta av sentrale interesseorganisasjonar, tilseier at innføringa av redusert sats utsetjast til 1. juli 2025.