Utvalsmedlemmer om vern i varehandelen utnemnd
Nyheit | Dato: 26.04.2023 | Arbeids- og inkluderingsdepartementet
Her er medlemmene i utvalet som skal vurdere tiltak for å styrkje vernet mot natt- og åleinearbeid for arbeidstakarar i varehandelen.
Leiar:
Ingrid Finboe Svendsen, direktør for Thomas Angells stiftingar, tidlegare direktør for Arbeidstilsynet (Trondheim).
Medlemmer:
Christopher Ray Beckham, forbundsleiar i HK Norge (Bergen).
Trond Vegard Sæle, 2. nestleiar i Negotia (Sandefjord).
Sigbjørn Mygland, direktør forhandling og tariff i NHO Service og Handel (Oslo).
Astrid Flesland, fungerande leiar tariff i Virke (Oslo).
Fagekspert:
Martine Pedersen, Statens arbeidsmiljøinstitutt (STAMI) (Oslo).
Sekretariatet frå Arbeids- og inkluderingsdepartementet vil bli leia av avdelingsdirektør Torkel Sandegren. Fagdirektør Reinert Leirvik, seniorrådgjevar Kine Moland Brox og seniorrådgjevar Ingvild Heimland Henni vil delta i sekretariatet. Barne- og familiedepartementet skal hjelpe til i arbeidet.
Formålet med utvalet er ikkje å behandle opningstidsbestemmingar, men å vurdere situasjonen for arbeidstakarane i lys av risiko for til dømes arbeidsmiljø og helse ved natt- og åleinearbeid.
Utvalet skal vurdere om det er behov for endringar i regelverk eller andre tiltak for å styrkje vernet til arbeidstakarane og leggje fram forslag i samsvar med dette.
Utvalet er ei oppfølging av eit vedtak i Stortinget. Det skal byrje arbeidet i næraste framtid.