1 Innleiing

Ved lov 28. april 2000 nr. 34 om endringar i rettergangslovgjevinga m.m. er det vedteke ei rekkje endringar i rettergangslovgjevinga. Endringane er eit ledd i departementet sitt arbeid med å effektivisere og forenkle rettergangen samstundes som rettstryggleiken til den einskilde borgar blir trygga. I dette brevet vil Justisdepartementet kort peike på endringane. For meir informasjon viser Justisdepartementet til Ot. prp. nr. 3 (1999-2000) og Innst. O. nr. 45 (1999-2000). Endringslova følgjer med som vedlegg 1 til dette brevet. Som vedlegg 2 er tatt med kronprinsregentens resolusjon 28. april 2000 om ikraftsetjinga og om fastsetjing av forskrifter.