6.1 Til odelslova § 16 fjerde
ledd
Føresegna tilsvarer tidlegare føresegn.
Endringane i lovutkastet er gjort for å tilpasse føresegna til
endringa i jordlova.
Jord som blir lagt til ein eigedom som
tilleggsjord går inn under odel eller odling på den eigedomen jorda
blir tillagt når departementet har godkjent kjøpet av di kjøparen
bør få tilleggsjord.
Omgrepet «jord» skal ha same meining som i
gjeldande føresegn.
Kjøpet kan vere godkjent på ulikt vis. Det vil
vere godkjent når jord staten har kjøpt etter reglane i jordlova
eller ved forkjøp – såkalla jordfondseigedomar – blir selt vidare i
samsvar med gjeldande reglar i jordlova. Kjøpet kan vidare vere
godkjent ved at det er gitt konsesjon, eller i samband med at det
er sett vilkår for deling eller fritak frå buplikt.
I føresegna som gjeld fram til lovendringa skal
kjøpet vere godkjent av fylkeslandbruksstyret. Det er kommunen som
etter overføring av mynde frå departementet nå avgjer dei sakene
som er omtala over. Fylkeslandbruksstyret er klageinstans.
Departementet meiner etter dette at det bør stå departementet i
staden for fylkeslandbrukstyret i lova.