Pressemelding

Nr: 14/98
20.03.98

John Stanley Engstrøm ekspedisjonssjef i AAD

John Stanley Engstrøm er i statsråd fredag utnemnd til ekspedisjonssjef i Administrasjonsavdelinga i Arbeids- og administrasjonsdepartementet. Engstrøm har fungert i stillinga sidan 1.4.97.

John Stanley Engstrøm er 45 år og utdanna cand.polit. i statsvitskap ved Universitetet i Oslo. Han har tidlegare blant anna leidd Administrasjonsavdelinga i Direktoratet for sivil beredskap, vore avdelingsdirektør i Statens informasjonsteneste, og byråsjef og seinare underdirektør i Forbrukar- og administrasjonsdepartementet. John Engstrøm er gift og har to barn.

Administrasjonsavdelinga er eit stabsorgan for departementsleiinga, og har sentrale oppgåver for leiinga i samband med å koordinere, utvikle og styre departementet. Viktige stabsoppgåver er å utvikle og følgje opp styringssystem, strategiar, statsbudsjettet, statsrekneskapen, verksemdplan og intern personalpolitikk. Avdelinga har 38 tilsette.