Pressemelding

Nr: 7/98
06.02.98

Svein Alsaker utnemnd til fylkesmann i Hordaland

Svein Alsaker blei i statsråd fredag utnemnd til ny fylkesmann i Hordaland etter Håkon Randal. Alsaker er nå fylkesmann i Finnmark.

Svein Alsaker er frå Bergen, 57 år gammal og utdanna jurist. Han er tidlegare politiembetsmann, statsadvokat og byrettsdommar og stortingsrepresentant for Kristeleg folkeparti i Hordaland frå 1985 til 1993. Frå 1983 til 1985 møtte han som fast vararepresentant. Han blei utnemnd til fylkesmann i Finnmark i 1990 og har fungert i embetet sidan 1993.

Det var i alt fem søkjarar til fylkesmannsembetet i Hordaland.

Kontakt for nærmare opplysningar: Ekspedisjonssjef Kasper Holand, AAD, tlf. 2224 4960