Pressemelding

Nr: 47/99
Dato: 02.09.99

Utval som skal vurdere Statens Pensjonskasse oppnemnd

Framtidig styrings-, organisasjons- og finansieringsform for Statens pensjonskasse skal vurderast av eit utval oppnemnd av arbeids- og administrasjonsminister Laila Dåvøy. Utvalet er på sju medlemmer og skal leiiast av Knut Grøholt, administrerande direktør ved AS Vinmonopolet. Grøholt har også bl.a. vore departementsråd i Administrasjonsdepartementet.

Dei andre medlemmene av utvalet er:

Ann-Helen Bay, forskar ved NOVA (Norsk institutt for forsking om oppvekst, velferd og aldring) Sigbjørn Atle Berg, fagdirektør kapitalforvaltninga, Noregs Bank Terje Moe Gustavsen, leiar LO Stat Anne Kari Lande Hasle, departementsråd Sosial- og helsedepartementet Eva Hildrum, ekspedisjonssjef Samferdselsdepartementet Tor Stokke, konserndirektør økonomi, Posten Norge BA

Sekretariatsleiar for utvalet blir adm. dir. Alf J. Raaum i Statens Pensjonskasse.

Statens pensjonskasse er landets største tenestepensjonsordning. Om lag 650.000 medlemmer har rettar i SPK til ein verdi av om lag 145 milliardar kroner. Det er staten som garanterer for desse rettane. Eldrebølga vil føre til at SPK dei neste 15 åra får nesten ei fordobling av talet pensjoner, frå 170 000 til 300 000, med ein tilsvarande auke i arbeidsoppgåvene.

---

Informasjonskontakt:
Ekspedisjonssjef Kasper Holand, Statsforvaltningsavd., tlf 2224 4960.

Lagt inn 2. september 1999 av Statens forvaltningstjeneste, ODIN-redaksjonen