Pressemelding

Nr. 032/99
Dato: 8. april 1999

Valgerd Svarstad Haugland:

- Eva Kolstad ein pioner i kvinnekampen

- Med Eva Kolstad sin bortgang har Noreg mista ei føregangskvinne i arbeidet for likestilling mellom kjønna. Eva Kolstad var ein pioner i kvinnekampen, understrekar barne- og familieminister Valgerd Svarstad Haugland.

- Som det første likestillingsombod - ikkje berre i Noreg, men i heile verda - gjorde Eva Kolstad ein uvurderleg innsats for likestilling mellom kjønna. Hennar politiske bakgrunn og innsikt var svært verdifull då den nye likestillingslova skulle gjerast kjent og akseptert, sier Svarstad Haugland.

Eva Kolstad var òg statsråd i Forbrukar- og administrasjonsdepartementet, som seinare blei endra til Barne- og familiedepartementet. Dessutan var ho den første kvinnelege partileiaren i Noreg. - Gjennom sitt omfattande virke var Eva Kolstad ein banebrytar for kvinner i norsk politikk. Vi som nyttar fordelar av dette i dag, skuldar Eva Kolstad ein varm takk, seier Valgerd Svarstad Haugland.

Eva Kolstad blei nesten 81 år. I 1969 blei ho utnemnd som Noreg sin representant til FN sin kvinnekommisjon. Kolstad var medlem i Oslo bystyre og formannskap i åra 1960 - 75, forbrukar- og administrasjonsminister i 1972 - 73, partileiar i Venstre 1974 - 76, leiar av FN sitt kvinneår 1975 i Noreg og likestillingsombod 1979 - 88. Eva Kolstad var Kommandør av St. Olavs Orden og æresmedlem i International Alliance of Women.

Kontaktperson: Informasjonssekretariatet, telefon 22 24 24 07