Pressemelding

Nr. 67/98
20. nov. 1998

Jørn Krog departementsråd i Fiskeridepartementet

Jørn Krog er utnemnd til departementsråd i Fiskeridepartementet.

Jørn Krog er 50 år gammal og utdanna siviløkonom ved Norges Handelshøyskole. Han arbeidde som konsulent i Fiskeridirektoratet frå 1975 til 1977. Deretter var han avdelingssjef og assisterande generalsekretær i Norges Fiskarlag, og frå 1979 til 1983 generalsekretær i fiskarlaget. I 1983 vart Krog direktør og frå 1985 til 1989 administrerande direktør i Feitsildfiskernes Salgslag. I perioden 1989 til 1997 leia Jørn Krog Norges Bank si avdeling i Trondheim. Sidan 1997 har han vore leiar for senteret for havbruk og fiskeri i rådgjevingsfirmaet KPMG.

Jørn Krog har hatt ei rekke styreverv og andre verv innan fiskerinæring og fiskeriforskning. Han har vore styreleiar i Havforskningsinstituttet sidan 1994, og han har vore styreleiar og styremedlem i fleire private bedrifter og næringsorganisasjonar.

Jørn Krog har vore aktiv i idrettssamanheng, både som utøvar og som tillitsmann.

Kontaktperson Informasjonssjef Bjarne Myrstad 22 24 64 09