Pressemelding

Nr. 85/98
Dato: 18. desember 1998

Regulering av sildefisket i sør i 1999

Fiskeridepartementet har fastsett regulering av fisket etter sild i Nordsjøen og Skagerrak, det vil seie sør for 62· nord, i 1999. Norske fartøy kan til saman fiske 87.870 tonn.

Den norske kvoten vert fordelt med 7.000 tonn til kystgruppa, 6.150 tonn til trålarane og 74.720 tonn til ringnotgruppa.

Fisket i kystgruppa blir regulert med maksimalkvotar på 300 tonn. Kvoten kan fiskast både i Nordsjøen og i Skagerrak. Fangstane skal leverast til konsum, men Fiskeridirektoratet kan gje dispensasjon frå kravet når kvaliteten på silda tilseier det. 200 tonn av kystgruppekvoten vert sett av til garnfiske på slutten av året.

Trålfisket må føregå i Nordsjøen. Opningsdatoen er 1. november, og det vert innført reglar om partråling. For ringnotflåten vert det eksisterande reguleringsopplegget vidareført, og fisket opnar 2. januar.

Kontaktperson: Avdelingsdirektør Halvard P. Johansen 22 24 64 51