Pressemelding

NR.: 42/99
Dato: 17. sept. 1999

Fiskeriminister Angelsen til Færøyane

Fiskeriminister Peter Angelsen reiser på offisielt besøk til Færøyane 20. til 23. september. Angelsen skal under opphaldet møte både den færøyske fiskeriministeren Jørgen Niclasen og havbruksministeren Finnbogi Arge. Peter Angelsen er regjeringa sin nordiske samarbeidsminister, og i den samanhengen møter han sin færøyske kollega Høgni Hoydal.

Det vil bli politiske samtalar knytta til ulike fiskeripolitiske spørsmål av felles interesse. Det gjeld mellom anna det bilaterale fiskerisamarbeidet og samarbeidet i internasjonale fora. Også kontrollspørsmål vil bli drøfta.

Fiskeriminister Angelsen vil gjeste fleire færøyske fiskeribedrifter, mellom anna i Fuglefjord, og fiskeauksjonen ”Fiskamarknadur Føroya”. Han møter dessutan representantar for den færøyske rederiforeininga.

Kontaktperson:
Informasjonssjef Bjarne Myrstad 22 24 64 09
Grubbegata 1, Postboks 8118 Dep., 0032 OSLO