Nordatlantisk fiskeriministerkonferanse i Ålesund
Historisk arkiv
Publisert under: Regjeringen Bondevik I
Utgiver: Fiskeridepartementet
Pressemelding | Dato: 01.06.1999 | Sist oppdatert: 21.10.2006
Pressemelding
Nr. 25 /99
Dato 1. juni 1999
Nordatlantisk fiskeriministerkonferanse i Ålesund
Den fjerde nordatlantiske fiskeriministerkonferansen vert halden i Ålesund frå 9. til 11. juni. På konferansen møter fiskeriministrane frå Canada, Grønland, Island, Færøyane, Noreg og Russland.
- Dette er eit interessant samarbeid som kan utviklast vidare. Vi er alle viktige fiskerinasjonar som deler felles havområder og felles ressursar, og dermed har vi felles interesser i forhold til den internasjonale utviklinga på fleire område. Det gjeld blant anna integreringa av miljøomsyn i ressursforvaltinga, utviklinga av regionalt fiskerisamarbeid og handelsspørsmål, seier fiskeriminister Peter Angelsen.
Blant dei tema som skal drøftast på konferansen i Ålesund er retningsliner for ansvarleg fiske, føre var-prinsippet i fiskerisamanheng, tilpassing av flåtekapasiteten til ressursgrunnlaget og handel og miljø.
Den første nordatlantiske fiskeriministerkonferansen vart halden i St. Johns i Canada i 1995.
Kontaktperson
Ekspedisjonssjef Johán H. Williams 22 24 64 40